زەنگەنە : ئێران لەگەڵ ئەمریکا دانوستان ناکات

(ABNA24.com) وەزیری نەوتی کۆماری ئیسلامیی ئێران لە کۆبوونەوەی ئۆپێکدا لە ڤییەنا بە ڕەت کردنەوەی هەرچەشنە وتووێژێک لە نێوان ئێران و ئەمریکا وتی: ئەگەر واشینگتۆن خوازیاری گۆڕدرانی ڕەوشی هەنووکەی نێوان دوو وڵاتە دەبێ بایکۆتەکان لە سەر ئێران هەڵگرێ.

بە پێی ڕاپۆرتی ئیرنا لە ڤییەناوە؛ "بیژەن نامدار زەنگەنە" ئێوارەی دووووشەممە لە ڕێ و ڕەسمی کرانەوەی سەد و حەفتا و شەشەمین کۆبوونەوەی وڵاتانی بنێری نەوتی ئۆپێک لە شوێنی هەمیشەیی ئەم ڕێکخراوەیەدا لە ڤییەنای پێتەختی ئۆتریش، وتی: تا ئەو کاتەی بایکۆتەکانی ئەمریکا دژ بە ئێران بەتایبەت بایکۆتە نەوتییەکان بەردەوامە، قسە و باس سەبارەت بە دانوستانی نێوان دوو وڵات بێسوودە.

زەنگەنە وتیشی: بێتوو بایکۆتەکان لە سەر ئێران هەڵگیردرێن، ئەو کاتە ئەمریکا هەندێ گۆڕانکاری لە ڕەوشی هەنووکەدا دەبینێ و ئێمەش لە وەڵامدا دەتوانین زۆر شتێک جێبەجێ بکەین.

وەزیری نەوتی ئێران جەختی کرد؛ بازاری نەوت دەبێ غەیری سیاسی بکرێ و نەبێتە هۆکارێک بۆ وەبن گوشار نانی وڵاتانی دیکە و بەرتەسک کردنەوەی هەناردە و هاوردەی نەوت.



/129